|
|
|
|
 |
|
 |
|
|
|
|
| 22.05.2018 |
|
| Aprelin 12-də keçirilmiş 13-cü “CEO Lunch Baku” çərçivəsində “Caspian European Club” Azərbaycan Respublikasının Prezidenti, “Caspian European Club”un sədri İlham Əliyevin seçkilərdəki qələbəsini təntənəli şəkildə qeyd edib.
“Caspian European Club”dan AZƏRTAC-a bildirilib ki, fəxri qonaq qismində “CEO Lunch Baku”da Milli Məclisin İqtisadi siyasət, sənaye və sahibkarlıq komitəsinin sədri akademik Ziyad Səmədzadə iştirak edib.
Akademik Ziyad Səmədzadə bu günün bütün Azərbaycan xalqı üçün böyük bayram olduğunu və həmin bayramın ilk günü bir yerə toplaşmaqdan məmnun qaldığını qeyd edib.
“İlham Əliyevin qələbəsi bütün Azərbaycan xalqının qələbəsidir”, - deyə akademik Ziyad Səmədzadə bildirib.
O, həmçinin “Caspian European Club”un fəaliyyətinin əhəmiyyətini vurğulayaraq bildirib ki, klubun dünyanın 70 ölkəsi ilə əməkdaşlığa nail olması, 5000-dən artıq üzv şirkətə sahib olması ölkənin iqtisadi və sosial inkişafı, beynəlxalq nüfuzunun möhkəmlənməsi üzrə böyük işlər görən güclü dövlətimizin olduğunu göstərir. Seçkilər sübut etdi ki, cəmiyyətdə konsensus əldə olunub. Bu isə hal-hazırda olduqca mühümdür.
Onun sözlərinə görə, son 20 il ərzində investisiya mühiti əhəmiyyətli dərəcədə yaxşılaşıb, biznesin aparılması üzrə əlverişli şərait yaradılıb, iqtisadi qanunvericiliyin mükəmməlləşdirilməsi üzrə böyük işlər həyata keçirilir.
“Ümummilli lider Heydər Əliyevin müəyyənləşdirdiyi siyasət uğurla həyata keçirilir və Prezident İlham Əliyev tərəfindən layiqli şəkildə davam etdirilir”, - deyə akademik Ziyad Səmədzadə söyləyib.
“Bizim məqsədimiz sahibkarlığın inkişafı üçün rahat şərait, daha mükəmməl vergi sistemi yaratmaqdan ibarətdir. Bizim kiçik və orta biznesin inkişafı üçün böyük potensialımız var. Respublika rəhbərliyi bu gün ölkənin iqtisadi potensialının inkişafı üçün əlindən gələni edir”, - deyə o vurğulayıb.
Akademik Ziyad Səmədzadə parlamentin “Caspian European Club”un sistemdəki hansısa boşluqları doldura biləcək inkişaf və mükəmməlləşmə üzrə bütün təkliflərini gözdən keçirməyə hazır olduğunu qeyd edib.
“Əlbəttə ki, biz öz növbəmizdə biznes nümayəndələri ilə onların müxtəlif sahələrdə qarşılaşdıqları problemləri müzakirə etməyə və birlikdə müəyyən qərarlar qəbul etməyə hazırıq”, - deyə Ziyad Səmədzadə deyib.
Çıxışının sonunda akademik Ziyad Səmədzadə qeyd edib ki, Prezidentimizin yaxın və uzunmüddətli perspektivlər üçün iqtisadi inkişaf strategiyası ilə bağlı dəqiq mövqeyi var və biz onun həyata keçirilməsinə fəal şəkildə yardım edəcəyik.
“CEO Lunch Baku”da çıxış edən “Caspian European Club”un sədrinin birinci müavini və baş icraçı direktoru Telman Əliyev dünən Azərbaycan xalqının sabitliyi, inkişafı və övladlarının gələcəyi üçün islahatların davam etməsini seçdiyini qeyd edib. “Biz bu proseslərin iştirakçısı olmağımıza şadıq və bir daha “Caspian European Club”un üzvləri adından “Caspian European Club”un sədri İlham Əliyevi inamlı qələbə – Azərbaycan Respublikasının Prezidenti seçilməsi münasibətilə təbrik edirik”, - deyə Telman Əliyev vurğulayıb.
“Əvvəlki illərdə olduğu kimi, biz ölkəmizdə həyata keçirilən və əlverişli investisiya mühitinin, biznesin inkişafı üçün münbit şəraitin yaranmasını şərtləndirən bütün islahat və prosesləri dəstəkləməyə hazırıq. Həmçinin yaxın vaxtda “Caspian European Club”un üzvləri ilə görüşdə Prezidentin hansı layihələrin həyata keçirilməsinin planlaşdırıldığı, hansı sahələrdə hesabatların hazırlanacağı, işçi komitələrin və idarə heyətinin üzvlərinin hansı proseslərdə fəal iştirak etmələrinin zəruri olduğu ilə bağlı bizə göstəriş verəcəyinə ümid edirik”, - deyə Telman Əliyev bildirib.
Akademik Ziyad Səmədzadəyə “Caspian European Club”un fəxri üzvlük sertifikatı təqdim edən Telman Əliyev klubun fəaliyyətindəki fəal iştirakına, həmçinin tədbir zamanı “Caspian European Club”un üzvləri tərəfindən səsləndirilmiş təklif və xahişlərə göstərilən diqqətə görə ona minnətdarlığını bildirib.
Telman Əliyev tədbirdə iştirak edən bütün qonaqları “Caspian Energy” jurnalının Naxçıvan MR-nin lider olduğu Azərbaycanın iqtisadi regionlarının illik investisiya reytinqinin nəticələrinə həsr olunmuş xüsusi buraxılışının təqdimatına dəvət edib. Jurnalın 2018-ci il aprelin 17-də keçiriləcək təqdimat mərasimində Naxçıvan Muxtar Respublikasının Bakıdakı daimi nümayəndəliyinin başçısı Bəxtiyar Əsgərov, Azərbaycandakı diplomatik missiya rəhbərləri, həmçinin “Caspian European Club”un idarə heyətinin üzvləri və üzv şirkətləri iştirak edəcəklər.
Telman Əliyev hər kəsə Azərbaycan və Gürcüstan hökumətlərinin dəstəyi ilə 2018-ci il mayın 8-də V Beynəlxalq “Caspian Energy Forum Tbilisi”nin təşkil olunacağını xatırladıb “Caspian Energy Forum Tbilisi”nin açılışında Gürcüstanın Baş naziri Georgi Kvirikaşvilinin və Gürcüstan hökumətinin iqtisadi bloku təmsil edən üzvlərinin iştirakı planlaşdırılır. Forumun təşkilatçısı Gürcüstanın “Caspian Energy Georgia” şirkətidir.
Tədbirdə, həmçinin Naxçıvan Muxtar Respublikasının Bakıdakı daimi nümayəndəliyinin rəhbəri Bəxtiyar Əsgərov iştirak edib.
“Caspian European Club”un idarə heyətinin üzvləri və sahə komitələrinin rəhbərləri çıxış edərək sahə komitələrinin hazırkı fəaliyyəti ilə bağlı hesabat verib, həmçinin yaxın planlar barədə danışıblar.
Azərbaycan-Ərəb Ölkələrini Əməkdaşlığı Assosiasiyasının icraçı direktoru mayın 1-3-də Assosiasiyanın təşkilatçılığı ilə keçirilməsi nəzərdə tutulan Azərbaycan-Ərəb investisiya biznes-forumu barədə təqdimat keçirib.
“CEO Lunch Baku”da 100-ə yaxın şirkət və təşkilat iştirak edib. |
|
|
|
|
 |
|
 |
|
|
|
